Россия Украинанинг Мустақиллик декларациясида қайд этилган барча ваъдаларини бажариши шарти билангина Украинанинг ҳудудий яхлитлигини ҳурмат қилади
Бу ҳақда Россия ташқи ишлар вазири Сергей Лавров БМТ Бош Ассамблеясининг 78-сессияси иши якунлари бўйича ўтказилган матбуот анжуманида маълум қилди.
"Албатта, 1991 йилда биз Украинанинг Мустақиллик Декларацияси асосида Украина суверенитетини тан олган эдик, Украина Совет Иттифоқидан чиқиш чоғида уни қабул қилган эди. Декларацияда жуда кўп яхши бандлар мавжуд, жумладан, улар миллий озчиликларнинг ҳуқуқларини ҳурмат қилиши, улар рус тили ва бошқа тилларнинг ҳуқуқларини ҳурмат қилиши, у ерда рус тили тўғридан-тўғри тилга олинган. Кейинчалик эса буларнинг барчаси Украина Конституциясига киритилган", — деди Лавров.
"Аммо биз учун Мустақиллик декларациясидаги асосий ғоялардан бири Украинанинг блокларга қўшилмаган давлат бўлиши ва ҳеч қандай ҳарбий иттифоққа кирмаслиги бўлган. Биз шу ҳолдагина Украинанинг ҳудудий яхлитлигини қўллаб-қувватлаймиз", — дея қўшимча қилди Россия Федерацияси Ташқи ишлар вазири.
