Россия элчихонаси АҚШни ўз сайловларини кузатишга чақирди

Россиянинг Вашингтондаги элчихонаси Давлат департаментининг Россия сайловлари ҳақидаги танқидига жавобан, Қўшма Штатларни ўз овозларининг шаффофлиги ҳақида кўпроқ ғамхўрлик қилишга чақирди.

Аввалроқ АҚШ Давлат департаменти матбуот котиби Нед Прайс Россия расмийларини яқинда бўлиб ўтган Россиядаги минтақавий ва муниципал сайловлар чоғида сўз эркинлиги тамойиллари кўп миқдорда бузилганликда айблаган эди.

Россия элчихонаси Америка томонига Россия Марказий сайлов комиссияси (МСК) маълумотларини ўрганишни ва “асоссиз баёнотлар”дан сақланишни тавсия қилди.

“Биз АҚШнинг ўзида сайлов жараёнларининг шаффофлигини, ички ишларимизга аралашмасдан таъминлашга кўпроқ эътибор қаратишни тавсия қиламиз”, — дейилади баёнотда.