"Реал" қийналади. Мбаппе учун АПЛ етакчиси курашга кирди

Мадриднинг "Реал" клуби ёзда эркин агентга айланиши кутилаётган ҳужумчи Килиан Мбаппе учун курашда АПЛ етакчиси "Ливерпуль" билан баҳс олиб боради.

Le Parisen хабарига кўра, мерсисайдликлар юлдуз ҳужумчи учун курашга қўшилишга тайёр ва шу сабабли Мбаппенинг маошидаги нарх сезиларли даражада ўзгариши мумкин. "Қизиллар" Килиан Мбаппе Саудия Арабистони жамоалари томонидан катта қизиқиш билдираётган Муҳаммад Салоҳнинг ўрнини эгаллашига умид қилмоқда.

Эслатиб ўтамиз, форварднинг "ПСЖ" билан шартномаси тугашига олти ой вақт бор ва у бошқа клублар билан музокара ўтказиш ҳуқуқига эга.