Қозоғистон Сенати Нурсултон Назарбоевни умрбод раислик ҳуқуқидан маҳрум қилди
Бугун Қозоғистон парламентининг Сенати (юқори палатаси) қонунчиликка ўзгартиришлар киритди. Унга кўра республиканинг биринчи президенти Нурсултон Назарбоевнинг Хавфсизлик кенгаши ва Қозоғистон халқи ассамблеясига умрбод раислик ҳуқуқи бекор қилинди, деб хабар беради «ТАСС».
Аввалроқ, 19 январь куни ушбу тузатишлар парламент қуйи палатаси – Мажилис томонидан маъқулланган эди. Энди уларни давлат раҳбари Қосим-Жомарт Тоқаев тасдиқлаши керак бўлади.
Эслатиб ўтамиз, январь ойи бошида Назарбоев республикани қамраб олган тартибсизликлар вақтида Қозоғистон Хавфсизлик кенгаши раҳбари ваколатларини унга топширган эди. Шунингдек, Назарбоевнинг яқинлари юқори лавозимларидан айрилди, собиқ президентнинг ўзи эса ватандошлар ва ОАВ назаридан ғойиб бўлди ва яқинда ўзи ҳақида хабар бериб, у тириклиги ва Қозоғистонни тарк этмагани ҳақида хабар берди.
Шу билан бирга, жорий йилнинг 20 январида Қозоғистоннинг биринчи президенти республика Конституциявий кенгаши аъзоси бўлиш, шунингдек, ҳукумат ва парламентда сўзлаш ҳуқуқини сақлаб қолгани маълум бўлди.
