Қайси бактериялар Марс шароитида яшаб кетиши маълум бўлди
Халқаро олимлар гуруҳи Марс муҳитида омон қолиши мумкин бўлган тўрт турдаги бактерияларни маълум қилишди.
Мутахассислар ўз лабораторияларида Марсга ўхшаш муҳит ҳосил қилишди, у реголитнинг имитацияси, паст ҳарорат, кислородсиз атмосфера ва радиация таъсирини ўз ичига олади. Кейин улар ушбу шароитда тўрт турдаги бактериялар – Serratia marcescens, Pseudomonas aeruginosa, Klebsiella pneumoniae ва Burkholderia cepaciaни жойлаштиришди. Тўрттаси ҳам одамларда касалликни қўзғатиши маълум.
Олимлар дастлаб микроорганизмларнинг ҳар бир тури ҳар бир ҳолатга қандай жавоб беришини синаб кўрди, сўнгра бактерияларга бирданига тўртта омил асосида таъсир ўтказилди. Маълум бўлишича, Burkholderia cepacia натрий перхлоратга бой тупроқда ривожлана олмайди. Бундан ташқари, атроф-муҳитдаги сув миқдорининг кескин камайиши омон қолиш имкониятини пасайтирди.
Бироқ, қолган бактериялар омон қолганлигини кўрсатди. Улардан учтаси 21 кун давомида Марс шароитларига чидади, P. aeruginosa кўпайишда давом этди. Мазкур натижа Марсга тасодифан киритилган бактериялар космонавтлар саломатлиги учун хавф туғдириши мумкинлигини кўрсатади, деб хабар беради lenta.ru.
