Politico: Европа Иттифоқи «хорижий агентлар» ҳақидаги қонун устида иш бошлади
Европа Иттифоқи ноҳукумат гуруҳлар, консалтинг ва илмий муассасаларни Европа Иттифоқидан ташқаридаги ҳар қандай молиялаштириш ҳақидаги маълумотларни ошкор қилишга мажбурловчи қонун устида ишламоқда, деб ёзади Politico учта манбага таяниб.
"Ривожланишнинг дастлабки босқичида бўлган қонун лойиҳаси АҚШ (FARA) ва Австралиядаги шунга ўхшаш қонунларга мос келади. Европа версияси жисмоний шахсларни нишонга олиши даргумон, аммо тижорат ва нотижорат ташкилотларни ЕИдан ташқарида молиялаштиришни ошкор қилишга мажбур қилади", деди манбалардан бири.
Сўнгги йилларда, Politico таъкидлаганидек, Европа Россиянинг хакерлик кампанияларидан тортиб, яқинда Қатарда бўлиб ўтган Жаҳон чемпионати коррупция жанжалигача бўлган бир қатор чет эл таъсиридаги операциялар билан тўқнаш келди.
Политиcо маълумотларига кўра, бу иш Европа Комиссияси раҳбари Урсула фон дер Ляйен томонидан бошланган бўлиб, у 2022 йил сентябр ойида нутқи давомида "демократияни ҳимоя қилиш" пакетини эълон қилди. Бироқ қонун лойиҳаси устида ишлаётган комиссия вакили бу масалани "нозик" деб атади. "Биз ҳали ҳам тўғри ёндашувни қўллашимизга ишонч ҳосил қилиш учун кенг доирадаги манфаатдор томонлардан маълумот йиғишнинг дастлабки босқичидамиз", дея таъкидлади у.
