Озарбайжон арман ҳарбийларининг жасадини топширди
Кеча Баку 12-14 сентябрь кунлари Озарбайжон-Арманистон чегарасида юз берган тўқнашувлар чоғида ҳалок бўлган яна 6 нафар арман ҳарбийларининг жасадларини Арманистонга топширди, деб хабар берди Озарбайжон ҳарбий асирлар, гаровга олинган ва бедарак йўқолган фуқаролар бўйича давлат комиссияси.
“Сизларга шуни маълум қиламизки, жанговар ҳаракатлардан сўнг назоратимиз остида бўлган ҳудудлардан топилган яна 6 нафар арман ҳарбий хизматчиси Озарбайжон ҳарбий прокуратурасининг тегишли ходимлари билан биргаликда кўздан кечирилган ва уларда зўравонлик излари топилмаган. 23 сентябрь куни бу органлар Халқаро Қизил Хоч қўмитаси воситачилигида қарама-қарши томонга топширилди”, — дейилади хабарда.
Жасадларни қарама-қарши томонга топшириш учун гуманитар жараён давом этади.
Аввал хабар қилинганидек, 20 сентябрь куни арман ҳарбийларининг 95 нафар жасади, 17 сентябрь куни эса яна 32 нафар жасади топширилган эди.
Шу тариқа Озарбайжон 133 нафар ҳалок бўлган арман аскарларининг жасадини Арманистонга топширди.
