Оқ уйнинг собиқ шифокори: "Байден соғлиғи туфайли президент бўла олмайди"

Оқ уйнинг собиқ шифокори, конгрессмен Ронни Жексон Fox News телеканалига берган интервьюсида Американинг амалдаги етакчиси Жо Байден соғлиги сабабли президент бўла олмаслиги ва унинг когнитив муаммолари бутун мамлакат учун катта хавф туғдираётганини айтди.

“Унинг жиддий муаммолари бор. Бу миллий хавфсизликнинг ҳақиқий муаммоси”, — дейилади телеканал хабарида.

Жексоннинг сўзларига кўра, бу вазият "ҳар куни ёмонлашмоқда".

Доктор, шунингдек, у Байденни Барак Обама маъмуриятида вице-президент бўлганида "ҳар куни" кузатганини ва ўша пайтдан бошлаб сиёсатчининг когнитив қобилияти сезиларли даражада ёмонлашганини сезганини таъкидлади.