ОАВ: Трамп 2016 йилги президентлик сайловлари олдидан пора берганликда айбланмоқда

Дональд Трамп 2016 йилги президентлик сайловлари олдидан пора берганликда айбланмоқда. Бу ҳақда The New York Times хабар берди.

АҚШнинг собиқ президенти сайловлар арафасида жим туриши учун порнографик актрисага пул тўлаганликда айбланмоқда. Актрисанинг сўзларига кўра, Трамп у билан 2000 йиллар бошида жинсий алоқада бўлган. Трамп буни рад этди ва таъқибни сиёсий характерга эга деб атади.

Нашр маълумотларига кўра, айбловлар тафсилотлари бир неча кун ичида Манхеттен округи прокурори ихтиёрига кўра эълон қилинади.