ОАВ: АҚШ ва Эрон ўртасида маҳбуслар алмашинуви амалга оширилди

Эрон билан маҳбуслар алмашинуви доирасида қўйиб юборилган америкаликларни олиб кетаётган Қатар самолёти мамлакатдан ҳавога кўтарилди.

Бу ҳақда “France Presse” хабар берди.

“Қўлга олинган америкаликлар бўлган Қатар самолёти Эрондан ҳавога кўтарилган”, — дейилади агентлик хабарида.

Эрон гуманитар мақсадларда фойдаланиш учун музлатилган 6 миллиард долларлик активлардан фойдаланиш имкониятига эга бўлади. Эрон расмийлари Эроннинг Жанубий Кореядаги молиявий ресурслари мамлакатнинг Қатардаги банк ҳисобига ўтказилишини қайд этди.

“Reuters” агентлигининг хабар беришича, Эроннинг аввал музлатилган активлари Теҳрон ва Вашингтон ўртасидаги маҳбуслар алмашинуви бўйича келишув доирасида Қатар банк ҳисобларига ўтказилган.