NYT: Франция расмийлари "Crocus City Hall" даги воқеалар туфайли Парижда бўлиб ўтадиган Олимпиада ўйинлари чоғида терактлар содир этилишидан хавфсирамоқда
"ИШИД Россиядаги ҳужум учун масъулиятни ўз зиммасига олгани ва мамлакатимизга қилинаётган таҳдидларни инобатга олиб, биз Террор таҳдидидан огоҳлантириш миллий тизимини энг юқори даражасини жорий этишга қарор қилдик", — дея маълум қилди Франция бош вазири Габриэл Аттал.
Унинг сўзларига кўра, бу қарор президент Эммануэл Макрон томонидан мамлакат Мудофаа ва Миллий хавфсизлик кенгашининг тегишли тавсиясига кўра қабул қилинган.
The New York Times'нинг манбаларига таяниб ёзишича, бу фикрга террор таҳдидлари билан шуғулланувчи америкалик ва европалик экспертлар ҳам қўшилади.
Ғарб давлатларидан бирининг исми ошкор этилмаган разведка ходимининг сўзларига кўра, Европада ИШИДнинг пассив тамоғининг мавжудлиги, Ғазо секторида давом этаётган можаро ва жангариларнинг русийзабон шахслар томонидан қўллаб-қувватланиши каби янги терактга олиб келиши мумкин бўлган омиллар мавжуд.
Эслатиб ўтамиз, Парижда Олимпиада ўйинлари жорий йилнинг 26 июлидан 11 августигача даврда бўлиб ўтади.
