Ноқонуний "долларфурушлик" билан шуғулланган шахслар ушланди

Бош прокуратура ҳузуридаги Департаментнинг Ромитан тумани бўлим ва Бухоро вилояти ИИБ ходимлари ҳамкорлигида ўтказилган тезкор тадбирида валюта айирбошлаш билан шуғулланиб келган фуқаролар К.Р. ва А.Ҳ. фуқаро Ф.Р.дан 4 500 АҚШ долларини 56,2 млн сўмга сотиб олган вақтида ашёвий далиллар билан ушланганлар.

Шу каби, Департаментнинг Сирдарё тумани бўлими ва ИИБ ходимлари ҳамкорлигида ўтказилган тезкор тадбирда фуқаро Р.У. фуқаро Х.Х.дан 4 000 АҚШ долларини 49 млн сўмга сотиб олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.