Навоийда ноқонуний валюта савдоси билан шуғулланган шахсга ҳукм ўқилди
Жиноят ишлари бўйича Навоий вилояти Хатирчи туман суди биносида ўтказилган очиқ суд мажлисида ноқонуний валюта савдоси билан шуғулланган шахсга нисбатан жиноят иши кўриб чиқилди.
2000 йилда туғилган Ҳ.Хасанова (шахси ўзгартирилган) жиноят ишлари бўйича Хатирчи туман судининг 2021 йил 23 июндаги қарорига кўра, Ўзбекистон Республикаси МЖтКнинг 170-моддаси билан баъзавий ҳисоблаш миқдорини беш баравари миқдорида яъни 1.225.000 сўм жарима жазосига тортилган бўлса-да, бундан ўзига тегишли хулоса чиқармасдан 2022 йил 10 апрель куни Хатирчи туманидаги деҳқон бозори ёнида жойлашган савдо маркази ёнида валюта қимматликларини қонунга хилоф равишда олиш ва ўтказиш билан шуғулланиб келиб, харидор Ш.Пўлатовдан қонунга хилоф равишда ҳар бир АҚШ долларини 11.250 сўмдан ҳисоблаб жами 300 АҚШ долларини 3.375.000 сўмга сотиб олишга келишиб, 300 АҚШ долларини олиб, келишилган пулдан 3.000.000 сўмини берганида, Департаментнинг Хатирчи туман бўлими ходимлари томонидан ашёвий далиллар билан ушланган
Суд, Ҳ.Хасановани содир этган жиноятининг хусусияти ва ижтимоий хавфлилик даражасини, муқаддам судланмаганлигини, айбига иқрорлиги, қилмишидан чин кўнгилдан пушаймонлигини, оилавий шароити инобатга олиб, Ўзбекистон Республикаси ЖКнинг 177-моддаси 1-қисмида назарда тутилган жиноятни содир этганликда айбли деб топилсин ва унга шу модда билан 1 (бир) йилга озодликни чеклаш жазоси тайинланди.
Ҳабибулла Тухтаев,
Жиноят ишлари бўйича Хатирчи туман суди судьяси
