Наманганда аёлини қўшнисидан рашк қилган қотил эрга ҳукм ўқилди

Жиноят ишлари бўйича Чортоқ туман судида ўзининг шаръий никоҳдаги турмуш ўртоғини бегона шахслар билан ишқий муносабатда бўлаётгани ҳақида гумон қилиб аёлини қасддан бўғиб ўлдирган ўлдирган Қодир Рахимовга (исм шарифлари ўзгартирилган) нисбатан суд ҳукми ўқилди.

Қодирнинг суддаги кўрсатмаси

- Мен айбимга тўлиқ иқрорман, ҳақиқатдан ҳам, 2017 йилнинг май ойида Малика Ҳасанова билан шаръий никоҳ асосида турмуш қурганман. 2020 йилнинг бошларидан Маликани қўшними Ахрор билан ишқий муносабатларда бўлаётганлиги ҳақида шубҳаланиб, уни кузата бошладим. Негадир Малика қизлик уйига кетган вақтларида Ахрор ҳам яшаш хонадонида йўқ бўлиб қоларди. Шу сабаб орада анча жанжаллашиб, яна ярашиб яшаб юрдик, ўша воқеа бўлган куни соат 05:30 ларда уйқудан уйғониб, ташқарига чиқиб келганидан сўнг Маликани уйғотиб, сув иситгин бошимни ювиб оламан деб уни сочидан силамоқчи бўлганимда "Малика мени бўғманг, агарда бўғсангиз ИИБ ходимларини чақираман" деб айтиб қолди. Шундан сўнг жаҳл устида уни 15-20 дақиқа бўғиб турдим.... Маликани вафот этганидан сўнг ўз ихтиёрим билан туман ИИБга бориб, бўғиб ўлдирганини айтиб бердим. Хатомни тушуниб етдим, пушаймонман.

Жабрланувчининг қонуний вакили марҳум Маликанинг отаси

- Мен марҳума Малика Ҳасановани отаси Мурод Ҳасановман... қизимни шаръий никоҳ асосида Қодир Рахимовга турмушга берганман. Биргаликдаги турмушлари давомида бир нафар фарзандли бўлишганди. Марҳум қизим бирор маротаба ҳам оилавий низоси ҳақида бизга айтмаган. Ўша машъум куни ҳамкасбим Жамшид телефон орқали Маликанинг яшаш хонадонига келинг деб айтди. Борганимда.... ИИБ ходимлари хонадонни ўраб олишган...., шифокорлар ҳам борлигини кўрдим. Шифокорлар менга тинчлантирувчи укол қилиб, яшаш хонадонимга ташлаб кетишгади. Ўзимга келгач, марҳум қизимни шу қотил рашк қилгани сабабли ўлдирганини билдим. Мени қизим биров билан ишқий муносабатда бўлмаган..., оғир-босиқ қиз бўлган..., суддан қонуний чора кўришни сўрайман.

Суд ҳукми

Суд ҳайъати, судланувчи, жабрланувчининг қонуний вакили ва гувоҳларнинг кўрсатувларини эшитиб, дастлабки тергов ва суд жараёнида тўпланган далилларни текшириб, муҳокама қилиб, уларга холисона баҳо бериб, жиноят ишидаги ҳужжатларни таҳлил қилиб, тарафларнинг фикрларини ҳамда судланувчининг охирги сўзини тинглаб, судланувчи Қодир Рахимовни Ўзбекистон Республикаси ЖКнинг 97-моддаси 1-қисмида назарда тутилган жиноятни содир этганликда айбли деб топиб, 13 (ўн уч) йил озодликдан маҳрум қилиш жазоси тайинлади.

Султонмақсуд Холбатиров,

Жиноят ишлари бўйича Чортоқ  туман судининг раиси