Моуриньо яна "Реал" бошқарувига келиши мумкин

Миш-мишларга кўра, Карло Анчелотти жорий мавсум якунида "Реал Мадрид" бош мураббийи лавозимини тарк этади. Мадрид клуби аллақачон жамоага янги бошқарувчи излаш устида ишламоқда. Ҳозирда Германияда жуда кучли ўйин намойиш этаётган "Байер" устози Хаби Алонсо фаворит саналади, аммо леверкузенлик раҳбарият ёш мутахассисни келаси ёзда қўйиб юбормаслиги мумкин.

Вазиятдан келиб чиқиб, Мадриднинг “Реал” клуби Жозе Моуриньони мураббийлик лавозимига қайтариши мумкин, деб ёзади TodoFichajes. Қайд этилишича, португалиялик мутахассис “Қироллик клуби” президенти Флорентино Перес билан ҳамон яхши муносабатларни сақлаб турибди.

Жозе Моуриньо айни дамда “Рома”ни бошқармоқда ва унинг шартномаси ёзгача амал қилади.