Москва ва Тошкент бир-бирининг ишига аралашмасликка келишиб олди
Ўзбекистон ва Россия ташқи ишлар вазирлари Бахтиёр Саидов ва Сергей Лавров БМТ Бош Ассамблеяси сессияси доирасида музокара ўтказди.
Шунингдек, улар мамлакатларнинг бир-бирининг ички ишларига аралашмаслик тамойилини муҳокама қилдилар ва мулоқотни «иттифоқ руҳида» давом эттиришга келишиб олди.
«Стратегик шериклигимизнинг долзарб мавзулари, шунингдек, бўлажак олий ва юқори даражадаги тадбирларга тайёргарлик кўриш юзасидан атрофлича суҳбат ўтказдик. Анъанага кўра, ҳамкорлигимиз кун тартиби кенг бўлиб, барча соҳаларни қамраб олади. Ўзаро ишончни мустаҳкамлаш йўлида давлатлар бир-бирларининг ички ишларига аралашмаслик тамойилига амал қилиш муҳимлиги таъкидланди. Биз иттифоқчилик руҳидаги доимий мулоқотимизни давом эттиришга келишиб олдик», деди Саидов Телеграм-каналида.
