Мобил телефонларнинг фойда ва зарарлари ҳақида нималарни биласиз?
Мобил телефон нима?
Мобил телефон асосан овозли алоқа учун мўлжалланган портатив алоқа қурилмаси бўлиб, ҳозирги вақтда радиоалоқа ўрнатишдаги энг кенг тарқалган восита туридир. Олимлар узоқ вақт давомида олиб бораётган тадқиқотлари орқали мобил телефонларнинг электромагнит нурланиши бизга қандай таъсир қилишини аниқлашга ҳаракат қилмоқдалар. Тадқиқот натижалари телефон нурланиши бутун танамизга таъсир қилишини айниқса, электромагнит нурланиш баъзи сабабларга кўра, иммунитети заиф одамларга ва болаларга зарарли эканлигини кўрсатмоқда.
Мобил телефоннинг инсон кўриш қобилиятига салбий таъсир кўрсатишини ҳам алоҳида таъкидлаш керак. Кўз мушаклари миямизга аниқ тасвирни этказиш учун номутаносиб равишда катта куч сарфлаши керак, айниқса мобил чат ёки мобил ўйинлар ҳақида гап кетганда, хабарларни кўраётганда ёки интернет саҳифаларини кузатаётганда, инсон доимо телефон экранига диққатини қаратиши керак. Шунингдек, мобил телефонлар эшитишга ҳам салбий таъсир кўрсатиши мумкин. Узоқ муддатли суҳбат давомида қулоқ, қулоқ пардаси, қўшни тўқималар ва миянинг қўшни соҳаларида ҳароратнинг ошиши кузатилади. Албатта, кўпчилигингиз узоқ суҳбатдан кейин қулоғингизда илиқлик ҳисси пайдо бўлганини сезган бўлишингиз мумкин. Бу телефон узатгичи томонидан яратилган электромагнит майдоннинг таъсиридан бошқа нарса эмас.
Юқорида келтирилган зарарли омиллардан кейин мобил телефонни ёмон деб ўйлашингиз мумкин, лекин ҳар бир нарсанинг ўзига яраша афзалликлари бор. Мобил қурилманинг асосий фойдали хусусиятлари шундаки сиз интернет орқали янги маълумотларни олишингиз, исталган вақтда оила, дўстлар, танишларингизга қўнғироқ қилиб, ёрдам ёки ҳол-аҳвол сўрашингиз мумкин. Мобил телефонларга ўрнатилиши мумкин бўлган видеомониторинг дастурлари эса одамга исталган вақтда ўз уйида нималар бўлаётганини ва шу орқали ўз мулки хавфсизлигини кузатишга имкон беради.
Тадқиқотлар натижасига кўра, мобил телефонларнинг камчиликлари ҳам, афзалликлари ҳам бор. Мобил телефонлардан фойдаланиш албатта яхши, фақатгина меёрга риоя қилган ҳолда, шунингдек, унинг инсон айниқса, ёш болаларнинг саломатлигига салбий таъсирини ёдда тутиш лозим.
