Мирзиёев ўлим жазосини тиклаш таклифига муносабат билдирди

Мирзиёев ўлим жазосини тиклаш таклифига муносабат билдирди

Ўзбекистон Конституциясига "ўлим жазоси тақиқланади" деган норма киритилиши мумкин. Президент Шавкат Мирзиёев Конституциявий комиссия аъзолари билан учрашувда шундай таклиф билан чиқди.

“Тарихий тажриба шуни кўрсатадики, инсоннинг қадр-қиммати аввало унинг табиий яшаш ҳуқуқида намоён бўлади. Бу – энг улуғ ва муқаддас қадриятларимиздан биридир.

Маълумки, биз ўлим жазоси тайинланадиган жиноятлар сонини босқичма-босқич камайтириб, бу жазони тўлиқ бекор қилдик”, дейди Президент.

Шавкат Мирзиёев мавжуд қонунларга қарамай, айрим фуқаролар томонидан ўлим жазосини тиклаш, уни жиноят қонунчилигига қайта киритиш ҳақида таклифлар ҳам илгари сурилаётганига муносабат билдириб, шундай деди:

“Демократик ва инсонпарвар ғояларни олий қадрият даражасига кўтарган дунёдаги аксарият давлатларда ўлим жазоси бекор қилинган.

Чунки яшаш ҳуқуқи – ҳар бир инсоннинг табиий ҳуқуқи бўлиб, унга бу ҳуқуқни давлат эмас, Яратганнинг ўзи ато этган.

Агар сизлар қўллаб-қувватласангиз, Конституциямизга “Ўзбекистонда ўлим жазоси тақиқланади”, деган яна бир муҳим нормани киритишни таклиф қиламан.

Шу тариқа, биз бу ўта жиддий масалада ҳеч қачон ортга қайтмаслигимизни, инсонпарварлик ғояларига содиқ эканимизни бутун дунёга яққол намоён қиламиз”.

Эслатиб ўтамиз, Конституцияга ўзгартириш киритиш бўйича йўлланган таклифлардан бирида аёлни ўлдирган ҳар қандай шахсни ўлим жазосига ҳукм қилиш таклиф этилганди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (6 )

    Тимур Азизов
    Одам хаёти хазил нарса эмас, тўғриқарор
    Alisher samarqandiy
    taklifni qollab quvvatlayman ayni vaqtdagi kerakli va ommapob mavzuladan biri.
    dilirabo
    🙋 К,у́шиламан бу фикрингизга хам
    BOBIR
    сал шошилмадизларми бу карор кабул килинишига хурматли амалдорлар демаки агар бир инсон бошка инсонни улдириб куйса унда уша инсонни кадри киматти ва хоказолар эзозланарканда унда уша жиноятчи бу кандай конун бултики инсон жиноят килса уни кадри ва хайоти жиноятлари кечирилса
    Bakanov
    yuq bu fikrga qushilmayman Muhammad s.a.v ham zinokorlarni ulimga hukm qilgan qotillarni va bachchaboz geylarni poraxurlarni ham ulimga mahkum qilish kerak
    Мухтар
    Энди биттасини тухмат билан камаса ва улимга махкум этилса бир неча йилдан кейин окланса у пайт у аллакачон улган булса шу тамонлари хам бор...