Мексика яқинлашиб келаётган БМТ Бош Ассамблеясида Украинадаги ҳарбий ҳаракатларни беш йил муддатга зудлик билан тўхтатиш режасини таклиф қилади

Бу ҳақда мамлакат президенти Андрес Мануэл Лопес Обрадор Мехикода Мустақиллик куни муносабати билан ўтказилган параддаги чиқиши чоғида айтиб ўтди.

Унинг сўзларига кўра, мулоқот ва тинчлик қўмитасининг тузилиши Москва ва Киев ўртасида тўғридан-тўғри музокараларни бошлаб юборади.

Ҳиндистон бош вазири Нарендра Моди, Рим папаси Френцис ва БМТ бош котиби Антониу Гутерриш қўмитада воситачи сифатида кўрилмоқда, деб ёзади CNN.

Лопес Обрадор, шунингдек, давом этаётган можарога ҳисса қўшаётган Россияга қарши санкциялар ва Украинага йирик қурол-яроғ етказиб беришни ҳам танқид қилди.