Марҳум футболчининг севган қизи ўзини оммага намойиш этди

Бразилиялик волейболчи қиз Луиса Унгерер бир ярим йил давомида Аргентина футболчиси Эмилиано Сала билан самолёт ҳалокати сабаб содир бўлган ўлимига қадар ишқий муносабатда бўлганини айтди.

Globo га берган интервьюсида қиз 2017 йилда Сала билан спорт машғулотлари пайтида Францияда учрашганлигини таъкидлади. Маълум бўлишича, жуфтлик охирги марта 14 январь куни қизнинг туғилган кунида кўришишган.

Самолёт ҳалокатга учрашидан олдин Сала севган қизига Кардиффга навбатдаги клуб билан шартнома тузиш учун учиб кетаётганлигини айтган.

Қайд этилишича, қиз футболчининг тирик ҳолда топилишига умид қилган ва сўнгги дақиқага қадар уни кутган.