Мактаблар учун замонавий компьютерлар ортилган карвон йўлга чиқди

Мактаблар учун замонавий компьютерлар ортилган карвон йўлга чиқди

Республика бўйлаб 2 029 та мактабнинг синф хоналари учун замонавий компьютер техникалари етказила бошланди. Бу ҳақда Халқ таълими вазирлиги хабар бермоқда.

Бугунги кунда вазирлик республика бюджетидан 1 014 та замонавий компьютер синфларини харид қилди. Ҳозирда вилоятлардаги умумтаълим мактабларига компьютер техникалари ортилган карвонда босқичма-босқич етказиб берилмоқда.

“Ушбу компьютерларга дастурлашга оид замонавий дастурий тизимлар, вазирлик томонидан ишлаб чиқилган таълим ресурслари Maktab.uz, Kitob.uz, Edukids, Smartland каби электрон таълим платформалари ва бошқа таълим ресурслари ўрнатилмоқда”, дейилади хабарда.

Шунингдек, Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари томонидан маҳаллий бюджет ҳисобидан 1 015 та умумтаълим мактабларига компьютер синфларини етказилади.

Маълумот учун, президент имзолаган “Халқ таълимини ривожлантиришга оид қўшимча чора-тадбирлар тўғрисида”ги қарорга кўра, 2023−2024-йилларда мактабларда маънан эскирган компьютер синфларини янгилаш учун республика ва маҳаллий бюджетлардан умумий ҳисобда 400 млрд сўм ажратилади.

Янги ўқув йилидан 400 нафаргача ўқувчиси бўлган мактабларда интернет тезлиги камида 40 Мбит/с, ўқувчилар сони 400 нафардан кўп бўлса — камида 100 Мбит/с этиб таъминланади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!