Макрон коалицияси Франция парламенти сайловининг иккинчи босқичида ғалаба қилди

Макрон коалицияси Франция парламенти сайловининг иккинчи босқичида ғалаба қилди

Франция Президенти Эммануэль Макроннинг "Биргамиз!" коалицияси сайловнинг иккинчи даврасида 38,57 фоиз овоз олди, дея маълум қилди мамлакат ички ишлар вазирлиги барча бюллетенларни кўриб чиққандан кейин.

Жан-Люк Меланшон раҳбарлик қилаётган "Янги халқ экология ва ижтимоий иттифоқи" (Nupes) 31,6 фоиз билан қаноатланишга мажбур бўлган, Президент сайловида Макронга асосий рақиб бўлган Марин Ле Пеннинг "Миллий йиғин" партияси 17,3 фоиз, "Республикачилар" — 6,98 фоиз овоз ололган, холос.

Натижалар шуни кўрсатмоқдаки, Макрон коалицияси Миллий мажлисда мутлақ устунликни қўлга кирита олмади.

ИИВ маълумотларига кўра, Коалиция Миллий мажлисда 245 та ўринни эгаллаган, Nupes эса131 та ўринга эгалик қилади. "Миллий йиғин" ва "Республикачилар"га тегишлича 89 ва 61 та ўрин бериладиган бўлди.

Франция парламенти сайловининг иккинчи турида ғолиб бўлиш учун шунчаки кўп овоз олса етади. Шундан кейин натижага қараб, Франция парламентининг қуйи палатасига 577 та депутат беш йил муддатга сайланади.

Францияда парламент сайловининг биринчи давраси 12 июнда бўлиб ўтган эди. Унинг натижаси "Биргамиз!" коалициясининг 25,71 фоиз овоз билан ғолиб бўлганини кўрсатди.

Жан-Люк Меланшон раҳбарлик қилаётган "Янги халқ экология ва ижтимоий иттифоқи" (Nupes) эса 25,61 фоиз овоз олганди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!