Франция президенти Эммануэл Макрон ҳарбий ҳаракатлар давом этаётган экан, Украинада уруш тўхтатиш шартларини муҳокама қилиш имконсиз эканлигини маълум қилди.
У бу ҳақда Мадагаскарга ташрифи пайтида LCI телеканали эфирида гапирди.
"Россия Киевга ҳужум қилишни давом эттирар экан, Украинадан бирон-бир шартга рози бўлишини талаб қилиш мумкин эмас. Вақтинчалик тинчлик - бу зарур бўлган биринчи қадам. Қолган барча нарса тинчлик музокаралари бўлиб, унда ҳарбий, ҳудудий ва хавфсизлик масалалари кўриб чиқилади," - деб таъкидлади Франция раҳбари.
Макрон Украинанинг Америка келишув шартларини рад этиши гўё АҚШ президенти Доналд Трампнинг ғазабини келтиргани ҳақидаги хабарларга изоҳ берар экан, у Трамп билан шахсан вазиятни муҳокама қилганини ва бундай фикрларни адолатсиз деб ҳисоблаганини айтди. Унинг сўзларига кўра, "АҚШнинг ғазаби Украинага эмас, балки Россияга қаратилиши керак".
Европа Иттифоқининг ташқи ишлар ва хавфсизлик сиёсати бўйича олий вакили Кая Каллас Россиянинг Туркияда Украина билан тинчлик музокараларидан манфаатдор эканлигига ишонмайди.
Эстония ҳарбий-денгиз кучлари ва НАТО авиацияси Болтиқ денгизида Россия портига йўл олган Габон байроғи остидаги нефть танкерини қўлга олишга уриниш қилди. Воқеа Фин қўлтиғи сувларида юз берди.
Сўнгги ойларда Франция ва Европада криптовалюта бизнесининг таниқли шахслари ва уларнинг оила аъзоларини ўғирлаш ёки ўғирлашга уринишлар ҳақида хабарлар кўпаймоқда.
Хитой юани Пекин ва Вашингтон ўртасидаги ўзаро божларни камайтириш тўғрисидаги келишув натижасида бир доллар учун 7,20 даражадан ошиб, ярим йиллик энг юқори кўрсаткичга эришди.