Макгрегор ўзини ўлдирмасликка ваъда берди

Собиқ икки карра UFC чемпиони Конор Макгрегор ўз жонига қасд қилиш ҳақидаги постига муносабат билдирди.

Аввалроқ, ирландиялик жангчи “Твиттер”да жинсий зўравонликда айбланганидан сўнг ўзида юзага келган оғир ҳиссий босим ҳақида ёзган эди.

«Буни қанча одам хоҳлашидан қатъий назар мен ҳеч қачон ўзимни ўлдирмайман. Барчангиз мени қайта-қайта шу ишни қилишимга ундаяпсиз, лекин ҳақиқат туфайли мен доимо озод бўламан! Оталик, зўрлаш, номақбул хатти-ҳаракатлар бўйича айбловлар эса бемаъниликдир. Менга нима тиласангиз ҳам, мен ҳеч қачон эгилмайман", - дея ёзган жангчи.