Магомед Омаров маъмурий банд бўйича 10 кунга ҳибсга олинди
Кеча Доғистоннинг Сергокалинский тумани раҳбари лавозимидан четлатилган Магомед Омаров 10 кун муддатга ҳибсга олинди, деб ёзади «Коммерсант».
Махачқалъанинг Ленинский туман суди уни маъмурий модда бўйича майда безорилик содир этганликда айбдор деб топди. Жиноят тафсилотлари ҳақида маълумот берилмаган.
Магомед Омаров кеча, 24 июнь куни кечқурун қўлга олинган. Манбага кўра, ҳозир тергов туманнинг собиқ раҳбарини терроризмга ёрдам берганликда айблаш масаласини кўриб чиқмоқда, чунки унинг икки ўғли 23 июнь куни Дербент ва Махачқалъадаги терактларда иштирок этган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
