Лиз Трасс: "Владимир Путиннинг босқинини тўхтатиш учун Молдовага қурол берамиз"

A A A
Лиз Трасс: "Владимир Путиннинг босқинини тўхтатиш учун Молдовага қурол берамиз"

Ташқи ишлар вазирининг айтишича, НАТО Россиянинг навбатдаги мақсади бўлиши эҳтимол бўлган Украинанинг қўшнисини қўллаб-қувватлашни кучайтириши мумкин.

Лиз Трасс Молдовани Россия босқинидан ҳимоя қилиш учун замонавий қуролларни юбормоқчи эканлигини айтди.

Ташқи ишлар вазири The Telegraph нашрига берган интервьюсида Владимир Путин Украина пойтахти Киевдаги мағлубиятга қарамай, «буюк Россия»ни яратишга қарор қилганини айтади.

Украинанинг жануби-ғарбида жойлашган Молдова НАТОга аъзо эмас ва у ҳудудни кенгайтиришга интилаётган Путиннинг Украинадан кейинги нишони бўлиши мумкин деган хавотирлар бор.

Трасс хонимнинг айтишича, музокаралар нафақат Украина, балки Молдова мудофааси ҳам келажакдаги ҳар қандай ҳужумни олдини оладиган «НАТО стандарти»га мос бўлишини таъминлаш бўйича музокаралар олиб борилмоқда.

Ўз интервьюсида у шундай деган: “Мен Молдова НАТО стандартларига мувофиқ жиҳозланишини истардим. Бу бизнинг иттифоқчиларимиз билан суҳбатимиз мавзусидир”.

«Путин “буюк Россия”ни яратишга бўлган ниятларини аниқ айтди - ва унинг Киевни эгаллашга бўлган уринишлари муваффақиятсизликка учрагани унинг бу мақсадидан воз кечганини англатмайди».

Агар режалар қабул қилинса, НАТО ҳарбий альянси аъзолари Молдовани замонавий қурол-яроғлар билан таъминлайди, совет давридан қолган жиҳозларини алмаштиради ва аскарларни улардан қандай фойдаланишни ўргатади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Фикр билдириш учун қайдномадан ўтишингиз сўралади ва телефон ракамни тасдиклаш керак булади!