Кураш Qingdao ўйинларида иштирок этади
Qingdao Хитойнинг энг йирик ва нуфузли шаҳарларидан биридир. Мамлакатнинг муҳим транспорт йўллари чорраҳасида айнан Qingdao жойлашган. Шунингдек шаҳар Сариқ денгиз бўйидаги йирик денгиз портига ҳам эгалик қилади.
Qingdao жуда кўплаб йирик халқаро спорт мусобақалари, нуфузли ўйинларга кўп бора мезбонлик қилган.
Бундан ташқари шаҳарда ҳар йили «Qingdao martial art Games» ҳам ўтказилиб келинади. Ўйинлар Дастуридан кўплаб олимпия ноолимпия спорт турлари ўрин олган.
Мазкур ўйинларнинг нуфузи балалндлигидан унга бўлган қизиқиш йилдан йилга ортиб бормоқда. Qingdao gamesда кўплаб олимпиада ўйинлари ғолиблари, Жаҳон чемпионлари иштирок этишади.
2023 йилнинг 25 март куни "Qingdao martial art Games"нинг расмий баҳслари бошланди.
Жорий йилги баҳсларда аҳамиятли Томони шундаки, унда Кураш спорти ҳам тақдимот қилинди. 1000 дан ошиқ томошабинлар, спорт расмийлари иштирок этган тақдимотда Кураш спортининг усуллари ва техникалари намойиш этилди.
Хитой Кураш ассоциациясидан олинган маълумотга кўра: "Qingdao martial art Games 2024"да Кураш расмий спорт сифатида ўйинлар Дастурига киритилади.
Эслатиб ўтамиз, Хитой Кураш ассоциацияси томонидан февраль ойи якунида хитойлик Кураш ҳакамлари учун ҳакамлик семинари ва имтиҳони ташкил этилган эди. Унда 150 нафардан ортиқ мутахассислар иштирок этишган.
Семинарни IKA Referee комиссияси аъзоси Chow Ngai Hung бошқариб борган.
