Kundalik электрон журналида баҳоларни қўйиш ва ўзгартириш тартибига ўзгартириш киритилади
Kundalik электрон синф журналида баҳоларни қўйиш ва ўзгартириш тартибига ўзгартириш киритилади. Бу ҳақда Таълим назорати инспекцияси ахборот хизмати хабар берди.
Қайд этилишича, Kundalik электрон синф журналида 15 апрелдан бошлаб чеклов ўрнатилади. Эндиликда киритилган чорак ва йиллик баҳоларга ҳудудий бошқармаларга расмий хатсиз ўзгартириш киритиш имконияти бўлмайди.
Бу ҳақда мактабгача ва мактаб таълими вазири ўринбосари Узоқбой Бегимқулов Қорақалпоғистон Республикаси Мактабгача ва мактаб таълими вазирлиги, Тошкент шаҳри бош бошқармаси ва вилоятлар бошқармаларига тегишли равишда хат киритган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
