Кучли таъсир қилувчи дори воситаларини муомалага киритилишининг олди олинди

Бош прокуратура ҳузуридаги Департаментнинг Хўжаобод туман бўлими томонидан ИИБ ходимлари билан ҳамкорликда ўтказилган тезкор тадбирда, фуқаролар Ж.Т. ва Ж.С. фуқаро А.га 994 дона “Лирика” номли кучли таъсир қилувчи дори воситасини 1 700 АҚШ долларига сотган вақтида ушланишиб, тадбир якунида умумий баҳоси 68,7 млн сўмлик 4 004 дона дори воситалари ашёвий далил сифатида олинган.

Шу каби, Марғилон шаҳар бўлими томонидан ДХХ ходимлари билан ҳамкорликда ўтказилган тезкор тадбирда, фуқаро У.И. бошқа бир фуқаро А.га 240 дона “Тропикамид” номли кучли таъсир қилувчи дори воситасини 21,6 млн сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.