Криштиану Роналду “Ал-Наср” футбол клуби билан шартномасини муддатидан олдин бекор қилмоқчи

Португалиялик ҳужумчи Криштиану Роналду Саудия Арабистонининг “Ал-Наср” футбол клуби билан шартномасини муддатидан олдин бекор қилмоқчи, деб хабар берди Mundo Deportivo нашри.

Манбага кўра, Роналду “замонавий жамиятдан йироқ” Саудия Арабистони инфратузилмасидан норози. Шу муносабат билан, газета таъкидлаганидек, футболчининг атрофидагилар Европага қайтиш имкониятига эга бўлиш учун бу ҳолатни эълон қила бошлайди.

Агар Роналду узрсиз сабабсиз клубни тарк этмоқчи бўлса, Халқаро футбол федерацияси қоидаларига мувофиқ товон пули тўлаши керак бўлади. Регламентда футболчига нисбатан шахсий жазо чоралари ҳам кўзда тутилган.