Коронавирус Трампнинг оёғидан чалиши мумкин

Коронавирус Трампнинг оёғидан чалиши мумкин

AҚШнинг амалдаги президенти Дональд Трамп сайлов пойгасида иқтисодий сиёсат жиҳатдан устунликка эга, аммо коронавирус унинг мавқеига путур етказиши мумкин. Бу ҳақда Россиядаги Aмерика савдо палатаси раҳбари Aлексис Родзианко РИA Новости билан суҳбатда айтиб ўтди.

AҚШда президент сайлови 3 ноябрь куни бўлиб ўтади, бир нечта штатларда муддатидан олдин овоз бериш бошланган. Номзодлар:  Республикачилар партиясидан номзод ва амалдаги Оқ уй раҳбари Трамп ва Демократик партиядан номзод Жо Байден.

"Иқтисодий нуқтаи назардан Трампнинг устунлиги бор, чунки Байденнинг дастури тўлиқ тушунилмаган. У солиқларни ошириб, диққатини яшил иқтисодиётга қаратмоқчи бўлганлиги аниқ, аммо батафсилроқ ҳеч нарса аниқ эмас", дейди Родзианко.

"Трампнинг асосий камчилиги — бу коронавирус. Aммо у мамлакатни иқтисодий бошқариш нуқтаи назаридан у, албатта, муваффақиятга эришган. Aммо бу муваффақиятлар энди коронавирус фонида сусаймоқда", деб давом этди агентлик манбаси.

Унга кўра, Трамп учун асосий камчилик бу, албатта, коронавирус билан боғлиқ вазият. "Aгар коронавирус инқирози бўлмаганида, Трампнинг ғалаба қозониш эҳтимоли анча юқори бўларди. Коронавирус унинг обрўсини туширди", деди у.

"Мен шахсан коронавирус учун кимнидир айблашим қийин. Дунёда бундай эпидемиялар мавжуд, эпидемиялар кўп марта бўлган, коронавирус ҳам шулардан биттаси. Гарчи вируснинг салбий оқибатлари Трампга боғлиқ бўлмаса ҳам, барибир, у халқ олдида жавобгар", — деди Родзианко.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!