Конгода 129 киши менингитдан вафот этди

Конгода 129 киши менингитдан вафот этди

Конго шимоли-шарқида менингит касаллиги авж олиши қайд этилди, деб хабар берди Reuters.

Хабарда айтилишича, Чопо провинциясида июндан бери касаллик аниқланган 267 кишидан 129 нафари вафот этган.

ЖССТнинг маълум қилишича, Париждаги Пастер институтига жўнатилган намуналар ушбу касалликни келтириб чиқарган Neisseria meningitidis бактерияси йирик эпидемияга сабаб бўлиши мумкинлигини кўрсатган.

Провинцияга беморларга ёрдам кўрсатиш учун мутахассисларнинг дастлабки гуруҳи етиб келган. Шу билан бирга, касаллик тарқалишининг олдини олиш мақсадида махсус қўмита тузилган.

“Биз зудлик билан дори-дармон етказиш ва экспертларни жўнатиш орқали қисқа муддат ичида вазият назоратга олинишини таъминламоқчимиз”, – деди ЖССТнинг Африка бўйича минтақавий бюроси директори Матшидисо Моети.

Кўп йиллик қуролли низолар ва молиявий таъминот етарли бўлмагани сабабли Конго соғлиқни сақлаш тизими сўнгги тўрт йилда Эбола, эндемик вабо ва қизамиқ, коронавирус пандемиясига қарши курашишига тўғри келди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!