KNDS концерни Киевга 12 та Caesar ўзиюрар қуролларини етказиб бериш бўйича шартнома имзолади
Киевда бўлиб ўтган мудофаа саноати халқаро форумида Германия-Франция мудофаа концерни KNDS Украинага 12 та Caesar ўзиюрар артиллерия бирликларини етказиб бериш бўйича шартнома имзолади.
Бу ҳақда Франция мудофаа вазири Себастьян Лекорню маълум қилди.
"Кеча KNDS France Киевда ташкил этилган саноат форумида Украинадан молиялаш ҳисобига 12 дона "Caesar" гаубицаларини етказиб бериш бўйича шартнома имзолади, бу бизнинг мудофаа саноатининг ишлаб чиқариш қувватини ошириш Украинани қўллаб-қувватлашга ёрдам беради”, — деди вазир.
Аввалроқ KNDS концерни Украинада ўз филиалини очиши ҳақида хабар берган эди. Киевдаги корхона Украина саноатига Леопард танклари, Гепард зенит ўзиюрар қуроллари, Panzerhaubitze 2000 ва Caesar ўзиюрар қуроллари ва AMX-10 RC енгил ғилдиракли танкларига техник хизмат кўрсатиш ва таъмирлашни амалга ошириш учун мўлжалланган.
Шунингдек, KNDS украиналик пудратчилар билан биргаликда 155 мм артиллерия ўқ-дориларини ишлаб чиқаради ва ускуналар учун эҳтиёт қисмлар ишлаб чиқаради.
