Карантинда олтинли тош қазиб чиқараётган 26 нафар бухороликка ҳукм ўқилди

Карантинда олтинли тош қазиб чиқараётган 26 нафар бухороликка ҳукм ўқилди

Учқудуқ туман маъмурий судида Ўзбекистон Республикаси Маъмурий жавобгарлик тўғрисидаги кодексининг 54-моддаси (эпидемияларга қарши курашиш қоидаларини бузиш), 165-моддаси (фаолият билан лицензиясиз ва бошқа рухсат берувчи ҳужжатларсиз шуғулланиш) ҳамда 195-моддаси (ички ишлар органлари ходимларининг ўз хизмат бурчларини бажаришларига қаршилик кўрсатиш) да назарда тутилган маъмурий ҳуқуқбузарликлар ҳаракатлари бўйича Бухоро вилоятининг Шофиркон туманида яшовчи 26 нафар фукарога нисбатан юритилган маъмурий иш кўриб чиқилди. Бу ҳақда Ўзбекистон Республикаси Олий суди матбуот хизмати" хабар тарқатди.

Аниқланишича, ушбу фуқаролар республикамиз ҳудудида карантин эълон қилинган бўлишига қарамасдан, 2020 йил 6 апрель куни ниқобсиз бўлиб, карантин туфайли белгиланган мажбурий қоидаларини бузишган ҳамда тегишли тартибда рухсати бўлмасдан, Учқудуқ туманидаги қўриқланмайдиган конлардан таркибида олтин зарраси бўлган тошларни қазиб чиқаришаётганлиги аниқланган. Шунингдек, ички ишлар органлари ходимларининг талабларига бўйсунмасдан, қочиб кетиш ҳақида бир-бирига айтиб, ички ишлар органлари ходимларининг ўз хизмат вазифаларини бажариш бўйича қонуний талабларини бажармасликка даъват этишиб, воқеа жойидан яширинишга ҳаракат қилишган.

Суд бу фуқароларнинг айби, улар берган кўрсатмаларидан ташқари билдирги, иш бўйича олинган тушунтириш хатлари, ашёвий даллилар ҳамда иш бўйича тўпланган бошқа ҳужжатлар билан ўз тасдиғини топган деб ҳисоблади.

Учқудуқ туман маъмурий судининг 2020 йил 7 апрелдаги қарори билан 26 нафар ҳуқуқбузарларга маъмурий қамоқ ва жарима жазолари тайинланган.

 

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!