Калифорниядаги ўрмон ёнғинлари зонасида ёниб кетган автомобиль ичидан икки жасад топилди

Душанба куни АҚШ ғарбидаги улкан ҳудудни қамраб олган Калифорния ўрмон ёнғини йўлагида ёниб кетган автомобиль ичидан икки кишининг жасади топилди. Бу ҳақда Associated Press хабар бермоқда.

Шимолий Калифорнияда, Орегон штати чегараси яқинида "МакКинни" деб номланган ёнғин жума куни Кламат миллий ўрмонида чиққанидан кейин қарийб 225 квадрат километрга ёйилди. Бу Калифорниядаги бир йил ичида содир бўлган энг йирик ўрмон ёнғини бўлиб, расмийлар ҳали нима сабабдан ёнғин бўлганини аниқлагани йўқ.

Машина ва жасадлар якшанба куни эрталаб Кламат дарёсининг чекка маҳалласи яқинидаги кўп қаватли уйнинг йўлагидан топилган, дейилади Сискию округи шерифи идораси баёнотида.