ЖССТ огоҳлантирмоқда: Вакцина пандемияни тўхтатмайди
![ЖССТ огоҳлантирмоқда: Вакцина пандемияни тўхтатмайди ЖССТ огоҳлантирмоқда: Вакцина пандемияни тўхтатмайди](/photos/news/O6W7JUMkizxxbRD.jpeg)
Жаҳон соғлиқни сақлаш ташкилоти CОVID-19 мутацияларини аниқлаш учун махсус ишчи гуруҳ тузди.
Бу ҳақда дунё ҳамжамиятига ЖССТнинг Фавқулодда касалликлар бўлимининг техник гуруҳи раҳбари Мария Ван Керкхове маълум қилди.
Унинг сўзларига кўра, тадқиқотлар мутацияларнинг коронавирусга ва унинг одамлар орасидаги ҳаракатларига қандай таъсир қилишини аниқлаши керак.
Ўз навбатида, ЖССТ раҳбари Тедрос Адханом Гебрейесус вакцинанинг яратилиши CОVID-19 пандемиясининг дарҳол тугашига олиб келмаслигидан огоҳлантирди, аммо унинг сўзларига кўра, бу жуда муҳим восита бўлади.
Унинг таъкидлашича, бу касаллик ҳақида кўп нарса маълум бўлганига қарамай, инсоният бор-йўғи 8 ойгина тўпланган тажрибага эга, холос. Ваҳоланки, CОVID-19нинг узоқ муддатли оқибатлари тўғрисида ҳамон етарли маълумотлар йўқ.