Исроил ҳарбий-ҳаво кучлари кеча Ғазо секторига зарба берди

Исроил Фаластиннинг ҲАМАС радикал ҳаракатининг қурол-яроғ устахонаси ва унинг фаоллари анклав жанубида фойдаланаётган туннель вайрон қилингани ҳақида хабар берди.

“Исроил мудофаа кучларининг қирувчи самолётлари бугун, якшанбага ўтар кечаси ҲАМАС террорчилик ташкилотига тегишли қурол ишлаб чиқариш корхонасига ҳужум қилди”, — дея армия матбуот хизматидан иқтибос келтирган ҳолда “ТАСС” хабар бермоқда.

Ноябрь ойи бошида Исроил армияси Ҳамаснинг Ғазо секторидаги ер ости ҳарбий объектига ҳаво ҳужуми уюштирган эди.