Huawei компанияси дисплейида селфи камера учун ўйиқ бўлган Nova 4 смартфонини тақдим этди

Huawei компанияси Nova 4 смартфонини тақдим этди. Унинг асосий ўзига хослиги дисплейнинг бурчагига ўйиқнинг жойлаштирилгани ҳисобланади. Ўйиққа 25 мегапикселли селфи камера ўрнатилган. Бу ҳақда TJournal хабар берди.Nova 4 смартфони 6,4 дюймли экран, саккиз гигабайтли тезкор хотира, 128 гигабайтли доимий хотира билан жиҳозланган. Бундан ташқари, қурилма орқа томонда жойлашган бармоқ изини олувчи сканерга, 3750 миллиампер/соат сиғимли батареяга ва 18 ваттли тез қувватлаш қурилмасига эга.Смартфоннинг орқа томонига 48 мегапикселли учта камера жойлашган. Nova 4 Kirin 970 процессорида ишлайди.Смартфоннинг оддий модели 450 доллар, топ модели эса 490 доллар туради.

Manba: daryo.uz