Ҳиндистон шимолида одамхўр бўрилар тўдаси болаларга ҳужум қилмоқда
Ҳиндистон шимолида, Уттар-Прадеш штатида тунда одамхўр бўрилар тўдаси баланд шакарқамиш далаларидан чиқиб болаларга ҳужум қилмоқда. Бу ҳақда АЗЕРТАДЖ хабар берди.
Камида 10 нафар бола ҳалок бўлди, дейди ўрмон хўжалиги расмийлари.
Мутахассисларнинг таъкидлашича, одамлар ва ёввойи ҳайвонлар ўртасидаги зиддият иқлим инқирози ва ёввойи табиатнинг нобуд бўлиши туфайли кучайган. Кучли ёғингарчилик туфайли маҳаллий Гҳаггар дарёси тошиб кетган. Йиртқичлар одатдаги яшаш жойларини тарк этишга мажбур бўлган. Улар анъанавий ўлжаларини йўқотиб, одамларнинг яшаш жойларига кириб бормоқда.
Вазият маҳаллий аҳолининг ўзини ҳужумлардан ҳимоя қила олмаслиги билан янада оғирлашяпти - улар йиртқичлар бемалол кириб бориши мумкин бўлган томлари сомонли эшиксиз уйларда тунайдилар.
Ҳиндистон аҳолисининг ёввойи табиатга тажовузи тобора ортиб боряпти, бу одамлар ва ҳайвонлар тўқнашуви эҳтимолини оширяпти, деб ёзади The Independent.
