Ҳабиб кимлар билан жанг қилмаганидан афсусда эканлигини айтди

Ҳабиб Нурмагомедов бўлиб ўтмаган бир нечта жангидан афсусда эканлигини айтди.

"Жорж Cент-Пьер. Мен бу одамни жуда ҳурмат қиламан. Мен унинг жанглари билан ўсганман. 2007 йилда у UFC чемпионлигини қўлга киритганида мен ҳали профессионал фаолиятимни бошламагандим. Ўшанда ҳаваскор жангчи бўлганман ва дадам билан унинг кўп жангларини кўрганман. GSP мен ММАда яхши кўрган одам эди.

Бу рўйхатда Тони Фергюсон ҳам бор эди. Бизнинг жангимиз бўлмаган. Ва... Менимча, 2014 ёки 2015 йил UFC чемпиони бўлган Энтони Петтисни ҳам шулар қаторида кўрсатишим мумкин. Ўшанда у энг юқори чўққида эди ва мен бу йигитни мағлуб этишни жуда хоҳлардим. Аммо кейин у чемпионлик камарини Рафаэл дос Аньосга бой берди ва унинг фаолияти пасайиб кетди", - дейди Ҳабиб.