Ғиждувон туманида фуқаронинг тадбиркорлик фаолияти қонунийлаштирилди
Бош прокуратура ҳузуридаги Департаментнинг Ғиждувон туман бўлими томонидан ўтказилган профилактик тадбирда, “Нодирабегим” МФЙда яшовчи фуқаро Жамшид Садуллаев ўз хонадонида тегишли ҳужжатларсиз қандолат маҳсулотларини ишлаб чиқараётганлиги аниқланиб, унинг фаолиятига қонуний ва амалий ёрдам берилди.
Ушбу хонадонда ўрнатилган ускуналар бир ойда 10 000 кг қандолат маҳсулотлари ишлаб чиқариш қувватига эга бўлиб, фуқаро ўз фаолиятини 3 ой олдин йўлга қўйган.
Профилактик суҳбат жараёнида қонуний тадиркорлик фаолиятининг афзалликлари, солиқ имтиёзлари ҳақида батафсил тушунтиришлар берилди.
Натижада ушбу фуқаро ортиқча оворагарчиликларсиз шу ернинг ўзида давлат рўйхатидан ўтказилиб, оилавий корхона ташкил этилди. Шу куннинг ўзида 3 нафар оила аъзосини ҳам расман иш билан бандлиги таъминлади.
