ФВВ ходимлари каналда чўкиб кетаётган қизни қутқариб қолди

Ҳодиса кеча, 15 июнь куни соат 19:40ларда Наманган вилояти Чортоқ шаҳар ҳудудидан оқиб ўтувчи “Катта Наманган канали”да юзага келган.

Маълум бўлишича, мазкур ҳудудда хизмат олиб бораётган Чортоқ туман Фавқулодда вазиятлар бўлими ёнғин-қутқарувчилари каналда оқиб кетаёган аёлни кўриб қолган. Шундан сўнг, ФВВ ходимлари зудлик билан қутқарув ишларини амалга оширганлар. Қутқарувчиларнинг олиб борган тезкор саъй-ҳаракатлари натижасида фуқаро хушсиз ҳолда қутқариб олиниб, биринчи тиббий ёрдам кўрсатилган. Ўзига келтирилган қиз туман тиббиёт бирлашмасига юборилган.

Ҳозирги вақтда қутқарилган инсоннинг аҳволи ўнгланган.