Фото! Гулбаҳор Йўлдошеванинг сўнгги образи

Фото! Гулбаҳор Йўлдошеванинг сўнгги образи

Ўзбекистонда хизмат кўрсатган артист Гулбаҳор Йўлдошева вафот эди. «Қўқон шамоли» тарихий фильмидаги Мингойим образи актрисанинг сўнгги роли бўлиб қолди. Бу ҳақда фильм режиссёри Дилмурод Масаидов журналист Феруз Муҳаммадга берган қисқа интервьюсида маълум қилди.

"Гулбаҳор Йўлдошева «Қўқон шамоли» фильмининг суратга олиш жараёнларида ҳеч кимга дардини сездирмасдан, уларни қанча авайлашга ҳаракат қилмайлик, «мен жуда яхшиман, ҳаммаси жойида», дея ролларини аъло даражада ижро этдилар. Съёмка майдонида бирор маротаба «мазам қочди, съёмкани кейинроққа қолдирайлик», демадилар. Қайтанга эрталабдан кечгача суратга олишимизни хоҳлаб турдилар. Гулбаҳор Йўлдошева «Қўқон шамоли» тарихий фильмида Мингойим образини ижро этдилар. Улар билан боғлиқ суратга олиш ишлари Қўқон шаҳрида роппа-роса беш кун давом этди ва якунланди", дейди Дилмурод Масаидов.

Маълумот учун, Зебо Қобилованинг «Айбсиз айбдор» деб номланган сценарийси асосида продюсер Маҳмуд Эркабоев ҳамда режиссёр Дилмурод Масаидовлар томонидан «Қўқон шамоли» деб номланган тарихий фильми суратга олинмоқда. Фильм Қўқон хонлигининг XVIII аср охири — XIX аср бошларидаги ижтимоий-сиёсий ҳамда адабий муҳити, ўша давр чигалликлари ҳақида бўлиб, асосан Қўқон хони Умархон ҳамда шоира Нодирабегим ҳаётидан ҳикоя қилади.

P/s. Олдинроқ актриса ўзининг охирги ролини ўйнаб улгурмагани ҳақида ёзгандик. Аммо юқоридаги маълумотдан аён бўлдики, фильм ҳамон суратга олиняпти, марҳума актриса эса ўз образини яратиб бўлган.

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!