Евроиттифоқ АҚШ билан савдо урушига қандай тайёргарлик кўрмоқда?

Европа Иттифоқи АҚШ билан савдо уруши эҳтимолидан хавотирда. Брюссел Канада, Мексика ва Хитойга қарши аллақачон бошланиб кетган иқтисодий босимнинг Европага ҳам таъсир қилишидан қўрқиб, олдиндан чоралар кўрмоқда. Бу сафар ЕИ расмийлари бошқа йўлдан боришга қарор қилиб, АҚШ сиёсатчиларига таъсир ўтказиш учун Доналд Трамп жамоаси билан яқин алоқалари бўлган DCI Group лоббистлик фирмасини ёллади.

✍️ DCI Group билан шартнома 2024 йил октабр ойида, яъни Трамп 5 ноябрда сайловда ғалаба қозонишидан олдин имзоланган. Бу эса Брюссел савдо можаролари эҳтимолини олдиндан ҳисобга олганини кўрсатади.

🔹 Расмий мақсад – Европа Иттифоқининг АҚШдаги делегациясига коммуникация ва сиёсий мулоқотда маслаҳат бериш, Европа маҳсулотлари ва инвестицияларини тарғиб қилиш.
🔹 Норасмий мақсад – Конгресс аъзоларига босим ўтказиш ва Трамп маъмуриятини ЕИ манфаатларига кўпроқ мойил қилиш.

Хитой маҳсулотларига 10% лик тариф жорий этди

Канада ва Мексикага нисбатан 25% лик божхона тўловларини белгилади

Ҳозирча Европа Иттифоқига қарши бундай чора кўрилмаган, аммо Трамп ЕИнинг савдо сиёсатини «ғайриоддий» деб атаган ва ЕИни кўпроқ Америка газини, автомобилларини ва қишлоқ хўжалиги маҳсулотларини сотиб олишга мажбурламоқчи.

🔹 DCI Group Вашингтоннинг энг қудратли лоббистларидан бири бўлиб, 2016 йилда унинг собиқ раҳбари Жим Мерфи Трампнинг сайлов штабида ишлаган.
🔹 Фирма илгари Мянма ҳукумати, тамаки ва энергетика корпорациялари учун ишлаган.
🔹 Ҳозирда АҚШ Адлия вазирлиги DCI Groupнинг Exxon Mobil манфаатлари учун экологик фаолларни нишонга олган киберҳужумларда иштирок этганлигини текширмоқда.
🔹 DCI Group мижозлари орасида аввал АҚШ санкцияларига тушган Россиянинг EN+ Group компанияси ҳам бор.

Брюсселнинг бу ҳаракати ЕИ ва АҚШ ўртасидаги савдо уруши эҳтимолини камайтириши ёки аксинча, кескинлаштириши мумкин. ЕИ олдинги Трамп маъмурияти давридаги хатоларни такрорламасликка ҳаракат қилмоқда.