Эмомали Раҳмон Қирғизистондаги учрашувда "Толибон"ни қоралаётган пайтида эфир узилиб қолди

"Aфғонистондаги вазият янада ёмонлашмоқда. Бизнинг прогнозларимизга кўра, бундан ҳам баттар бўлади", — деди Тожикистон президенти Эмомали Раҳмон 21 июль куни Чўлпон-Отада бўлиб ўтган Марказий Осиё давлатлари раҳбарларининг маслаҳат учрашувида.

Унинг фикрича, Aфғонистонда содир бўлаётган воқеалар нафақат Марказий Осиёга салбий таъсир кўрсатиши, бутун Евроосиё қитъасида геосиёсий мувозанат ва кучларнинг ўзгаришига олиб келиши мумкин.

“Ўтган вақт ичида “Толибон” ҳаракати раҳбарияти жаҳон ҳамжамиятини ва Aфғонистон аҳолисини ўз ҳокимиятининг қонунийлиги, мамлакатдаги вазиятни назорат қилиш ва фуқаролар хавфсизлигини таъминлаш, шунингдек, Aфғонистондаги фуқаролар хавфсизлигини таъминлаш имкониятларига ишонтириш чораларини кўрмади. Aксинча, ваъда ва кафолатларга зид равишда “Толибон” раҳбарияти барча сиёсий ва этник кучларнинг кенг иштирокида ҳукумат ўрнатилишига ҳар томонлама тўсқинлик қилмоқда”, — деди у.

Раҳмонга кўра, "Толибон" ҳаракати маъмурияти ҳозирги кўринишида мамлакатни бошқариш муаммоларини ҳал қила олмаяпти. “Aйни пайтда "Толибон" турли этник гуруҳларни камситиш ва қаттиқ диний консерватизмга қаратилган агрессив сиёсат олиб бормоқда.

Шундан сўнг жонли эфир узилиб қолди. Эфир тикланганида эса Туркманистон президенти Сердар Бердимуҳамедов ўз нутқини бошлаганди.