Дунёдаги энг кичик олтин танга Швейцарияда зарб этилди

Швейцарияда Альберт Эйнштейннинг тилини чиқариб турган машҳур сурати тасвири туширилган дунёдаги энг кичик олтин танга зарб этилди.

Танганинг оғирлиги 60 миллиграммдан сал ортиқ, диаметри эса уч миллиметрга яқин. Унинг қиймати чорак швейцар франкига тенг. Тангадаги суратни оддий кўз билан кўришнинг иложи йўқ, шунинг учун катталаштирувчи ойна ва ёритувчи ускунани ўз ичига олган алоҳида жамланма ҳам ишлаб чиқарилди: улар тангани батафсил кўздан кечириш имконини беради.

Қайд этилишича, бу тангани чиқаришга умрининг учдан бир қисмини Швейцарияда ўтказган Эйнштейннинг ўзи илҳомлантирган.

Эйнштейн тасвири туширилган танга швейцариялик теннисчи Рожер Федерер ва қуён тасвирланган яна иккита танга билан тенг чиқарилди.