Деновлик фуқаро Тошкентда online тарзда суд қилинди

Деновлик фуқаро Тошкентда online тарзда суд қилинди

Фуқаролик ишлари бўйича Денов туманлараро судининг 2013 йил июль ойидаги суд буйруғига асосан Денов туманида яшовчи қарздор Сухроб Палвоновдан вояга етмаган бир нафар фарзандининг моддий таъминоти учун алимент ундириш белгиланган бўлсада қарздор ота алимент тўлашдан бўйин товлаб қочиб юрганлиги сабабли Мажбурий ижро бюроси Денов туман бўлими томонидан қидирув эълон қилинган эди.

Бюронинг вилоят бошқармаси ҳамда ички ишлар органлари билан ҳамкорликда олиб борилган тезкор қидирувлар натижасига кўра қарздор ота Тошкент шахри Бектемир тумани “Қуйлиқ деҳқон бозори” ҳудудидан топилиб, жиноят ишлари бўйича Тошкент шаҳар суди биносига олиб келинди.

Суд жараёнлари онлайн масофадан ташкил этилиб, алимент тўлашдан бош торган отанинг иши жиноят ишлари бўйича Денов туман суди томонидан кўриб чиқилди. Очиқ суд мажлисига таклиф этилган алимент олувчи онанинг мурожаати тингланиб, тўпланган ҳужжатлар атрофлича кўриб чиқилди.
Қарздор ота жами 48 миллион 576 минг сўм алимент пулини тўлашдан бош торганлиги сабабли Ўзбекистон Республикаси Маъмурий жавобгарлик тўғрисидаги кодекснинг тегишли моддаларига асосан 15 сутка маъмурий қамоқ жазоси тайинланди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!