«Даҳшатли ўлим ҳолатлари»: ҳарбийлар Путиндан дам олишни сўрамоқда

Украинанинг Донецк вилоятидаги Угледар шаҳри қуршаб олинганидан кейин россиялик ҳарбийлар ўртасида бўлиниш юзага келди, деб ёзади Россиянинг махсус хизматларига яқин телеграм каналлари.

“Ҳарбийларнинг бир қисми (улар орасида бир қанча генераллар ҳам бор) Угледар қўлга олингандан сўнг Донетск вилояти ҳудудидаги ҳужумни вақтинча тўхтатиш керак, деб ҳисоблайди.

«Угледар жуда даҳшатли ўлим ҳолатларини бошдан кечирди. Сўнгги бир неча куннинг ўзида бизда 500 дан ортиқ ҳалок бўлганлар ва оғир яраланганлар бор. Йўқотилган ўнлаб тахникалар ҳақида гапирмаса ҳам бўлади. Армия дам олиш керак, акс ҳолда янги муваффақиятларга эришиш қийин бўлади», — деди Бош штабдаги манба.

Унга кўра, бир гуруҳ ҳарбийлар Владимир Путиндан жангчиларга дам беришни ва ҳужумни бир муддат тўхтатишни сўрашмоқчи.

«Биз жасадлар устида Угледарга кирдик. Бизнинг танамиз устида! Ҳарбийлар яқинда атрофда кўрган нарсасидан ақлдан озади», деди шаҳар учун жангларда қатнашган офицер.

Бу позиция ҳарбийларнинг яна бир қисмини ғазаблантирди. «Баъзи заифлар тўхташни хоҳлайдими? Булар хоинлар. Америкаликлар ёки Киев режими уларга пул тўлаганми, текшириш керак. Биз Владимир Владимировичдан бу одамларни намунали тарзда жазолашни сўраймиз”, — деди Мудофаа вазирлигидаги манба. Унинг фикрича, "ДХРни озод қилиш учун ҳали кўп ойлик жанглар бор, шунинг учун биз ҳозир тўхтай олмаймиз".