Click тўлов хизмати акциядорлик жамиятига айлантирилди

“Cлиcк” тўлов хизмати МЧЖдан акциядорлик жамиятига (АЖ) айлантирилди.

Шунингдек, компаниянинг устав капитали оширилиб, бугунги кунда талаб қилинадиган минимал миқдор 10 млрд сўмни ташкил этади.

“Кап Депо” инвестиция компанияси Clickнинг ташкилий шаклини ўзгартиришда иштирок этди.

“Click ўзининг шахсий стратегиясига мувофиқ ҳаракат қилмоқда. Жорий йилда компанияни қайта ташкил этишни ҳам ҳисобга олган ҳолда кўплаб режа ва лойиҳаларимиз бор”, — деди Click АЖ бош директори Улуғбек Рустамов.

Қайта ташкил этиш тўғрисидаги қарор президентнинг 2023 йил 30 ноябрдаги қарорига мувофиқ қабул қилинган.

Ўзбекистонда 1-июлдан бошлаб барча тўлов ташкилотлари ва хизматлари акциядорлик жамияти шаклида фаолият юритиши керак.