Чироқ ўчяпти: Энергетика вазирининг Шавкат Мирзиёевга берган ваъдаси нима бўлди?
Жорий йилнинг 24 март куни Шавкат Мирзиёев «Обод қишлоқ» ва «Обод маҳалла» дастури бўйича ўтказган селектор йиғилиши давомида электр энергияси ва табиий газ таъминоти муаммосини кўтарганди.
Ўшанда Энергетика вазири Алишер Султонов ўз ҳисоботи давомида охирги йиллар давомида электр тармоқларини модернизация қилиш бўйича бир қатор ишлар амалга оширилганлигини таъкидлаб:
"Ҳисоб-китобимизга кўра айни вақтга қадар бажарилган ишлар ёзда ҳам, қишда ҳам тўлиқ талабни таъминлаб беради", дея айтиб ўтганди.
Аммо айни дамда кўриниб турибдики, нафақат вилоятларда, балки Тошкентда ҳам тез-тез электр токи узилишлари рўй бермоқда. Бу шуни англатадики:
айни вақтга қадар бажарилган ишлар ёзда ҳам, қишда ҳам тўлиқ талабни таъминлаб бера олмайди.
Ўша селекторда Энергетика вазири жорий йилги куз-қиш мавсумида электр энергияси бўйича муаммо бўлмаслигини ваъда қилганди. Кўрамиз куз ва қиш фаслида вазият қандай бўларкин?
P/S. Тўғри, юқоридаги фикрларга нисбатан Энергетика вазирининг, вазирликнинг асосли изоҳи бўлиши мумкин, аммо гап шундаки, Президентга ваъда беришдан олдин яхшилаб ўйлаш керак. Шунчаки очко йиғиш учун баландпарвоз ваъдалар бериш ва охирида уни бажара олмаслик халқнинг амалдорларга ва албатта давлатга ишончи сўнишига сабаб бўлади.
